FATMA HILAL MASTERCLASS

IMG_9742.JPG
IMG_9723.jpg
IMG_8144 2.jpg
IMG_9620 2.jpg
5Z1B6685.JPG

الكورس الاون لاين ولأول مره 

بعد جهد ووقت خصصت له لهذا الكورس اخيرا قدرت انزله لكم وتشتركون وان شاءالله اكون عند حسن ظنكم وتستفيدون مثل باقي المشتركات 

الكورس كامل متكامل من خبرتي وياكم والاشياء اللي اتواجهونها خلال

تصويركم وكيف تطوير شغلكم

بتتعلمون كيف اتصورون مثلي بطريقة التصوير العلوي والبورتريه

والتفاصيل اكثر والخانات اللي تحت والفيديو الاعلاني

بتتوفر شهادات بعد الانتهاء من الكورس الاون لاين

 اختيار الباكيج والسعر في الاسفل تحت

  • باكيج ٣٥٠ درهم

    ٤ فيديوهات

     

    فيديو تنسيق الورد

    فيديو التكوين والتصوير العلوي

    فيديو كيفيه التعديل في برنامجين لايت روم وسنابسيد

    فيديو تحفيزي وكيفيه تطوير البزنس او التخصص 

     

    استشاره يوم واحد خاص بك وياي

  • باكيج ٥٠٠ درهم

    ٨ فيديوهات

    فيديو تنسيق الورد

    فيديو التكوين والتصوير العلوي

    فيديو تصوير الاكل

    فيديو تصوير الكوفي في كافيه وتعديله

    فيديو كيفيه التعديل في برنامجين لايت روم وسنابسيد

    فيديو تصوير اضاءة العصر للانستغرام

    فيديو تصوير بخلفيات مختلفه مع ملف لطباعة الخلفيات والفلتر الخاص

    فيديو تحفيزي وكيفيه تطوير البزنس او التخصص 

    كل فتره ينزل فيديو اضافي يدخل بقائمة الباكيج الكبير

    استشاره ٣ ايام خاصه بك وياي

تصوير بالهاتف الجوال

بتشوفون كافه الطرق والخدع تغنيكم فعلا عن تصوير الكاميرا المحترفه

 فيديوهات

 فيديوهات تعليميه منها ٣ فيديوهات تطبيق بطريقه التصوير العلوي والفوكس 

وفيديو خاص بالتعديل على برنامجين 

Lightroom , Snapseed

وفيديو خاص لتطوير شغلج وتغيير التفكير والنظر للمستقبل بطريقه ايجابية بتحول شغلج للاحسن

استشارة 

بعد مشاهدة الفيديوهات

 بتكونين وياي  استشاره خاصه لج

علشان اشوف نتيجه صورج وتطورج بعد التطبيق

 تعليقات المشتركات في الورشات السابقه العملية والاون لاين

لطيفة, @ms_la6o0f

انا حضرت عند فاطمة أكثر من ورشه وتعلمت على تنسيق الورد مع الكوفي وأول مره اتعلمت على برنامج لايت روم والورشه الثانيه كانت في لادوريه وطلعت بنتايج رووعه من تنسيق وكيف اضبط الاضاءة وتكوين الصورة

منى من عمان

هلا فاطمه اشحالج اتمنى اني ما ازعجج بهالوقت بس بصراحه اشكرج على كل كلمه قلتيها فالفيدويهات بصراحه كلامج فالفيديو الاخير وايد اثر فيني لاني كنت محبطه وايد واذا اي احد يحبطني وما يشجعني ع التصوير خلاص اتم محبطه 🙂💔 بس كلامج غير لي وايد اشياء ف قلبي وعقلي واني اسوي واسوي حتى لو يكسروني  ووايد استفدت وتعلمت منج ف التصوير وايد اشياء وكيف اصور ومتى اصور والالوان والاضاءه وكل شي اشكرج وايد وحتى انهم ملاحظين تصويري فالسناب غير ويشعجوني ربيعاتي اني ادش اصور واصور بصراحه ما اعرف شو اقولج ولا كلمه توفيج 😔♥️ ماشاءالله عليج اتمنى التقي وياج ف يوم ان شاء الله

سمية حارب, @sumaiahareb

فعلا استفدت من الورشه مع فاطمة لان وضحت لي اشياء وايد ما كنت اعرفها في التصوير العلوي ، وحتى من ناحية الاضاءه والافكار وايد استفدت تعلمت اشياء جديدة، وعرفتني على برامج لتعدل الصور بشكل طبيعي. الكل لاحظ التغير في تصويري وتحسن بعد ورشة فاطمة هلال اللي استمتعت فيها 

اول شي ابغي اشكرج فاطمه على مجهودج للفيديوات والشرح وكل شي يخص الاون لاين كورس .. ♥️

 

ثانياً : اهم شي واحلى شي بالنسبالي انه اون لاين وين مااكون ومتى ماابا اشوف الفيديوات واطبقها براحتي😍

 

ثالثاً وأخيراً : وايد استفدت الصراحه ، في امور ماكنت اعرفها او ماكنت واعيه لها .. وايد احس اني تعمقت فالتصوير بسببج وبصراحه واااايد تغير تصويري ♥️اشكرج من كل قلبي حبيبتي♥️

 

والله يوفقج يارب♥️

جواهر بن جمهور @j_binjamhoor

كانت اول ورشه احضرها وحبيتها وايد سهلة وبسيطه وتعلمت من اخطائي فالتصوير وبديت اركز على الزوايا والاضاءه وغيره

صباح الخير .. 

حبيبتي فاطمه يعطيج اللللف عااافيه ❤️❤️❤️..  صراااحه من وقت ما خذت الكورس لليوم والله تصويري فررررق ٣٦٠ درجه .. صرت اركز ع زوايا التصوير وطريقه التكوين .. ووايد استفدت من شرحج لبرنامج اللايت روم .. وحبيت اليوم اشكررررج ع المجهود الي حطيتيه بالدوره وقدمتيه لنا عسب نستفاد من خبرتج .،،، 

واقوى فيديو بالكورس فيديو النصايح صرااااحه جدا مؤثر وضروري كل شخص يطبقه بحياته .. ماقصرتي ابد وشكرا من القلب ❤️❤️❤️❤️ ..

 تعليقات اكثر قريبا